davam.az - BÜTÖV AZƏRBAYCAN ADINA! > Türk dünyası-Turan > Türk komandanı: «Bir millət iki dövlət” şüarı həmişə bizim üçün keçərli olub»
Türk komandanı: «Bir millət iki dövlət” şüarı həmişə bizim üçün keçərli olub» |
|
Bakıda səfərdə olan Türkiyə Sahil Mühafizəsinin komandanı, vitse-admiral Sərdar Dülgərin başçılıq etdiyi nümayəndə heyəti Şəhidlər xiyabanını və Türk Şəhidliyini ziyarət edib.
Türkiyəli admiral Şəhidlər xiyabanında Əbədi Məşəl Kompleksinin və Türk Şəhidlərinin abidəsi önünə əklil qoyub, Türk Şəhidliyindəki xatirə dəftərini imzalayıb. Azərbaycan səfərinin Dövlət Sərhəd Xidməti rəisinin dəvəti ilə gerçəkləşdiyini deyən S. Dülgər qeyd edib ki, Sahil Mühafizə Komandanlığı və Azərbaycanın müvafiq qurumları arasında yaxşı əlaqələr var. Keçiriləcək görüşdə əlaqələrin daha da inkişaf etdirilməsi, qarşılıqlı yardımların göstərilməsi məsələləri müzakirə ediləcək. Türkiyə nümayəndə heyəti həmçinin DSX Sahil Mühafizəsinin bazalarında olacaq. ««Bir millət iki dövlət” şüarı həmişə bizim üçün keçərli olub. Burada özümü Türkiyədəki kimi hissə edirəm. Türkiyə Sahil Mühafizə Komandanlığı və Azərbaycan Dövlət Sərhəd Xidməti Sahil Mühafizəsi arasında əməkdaşlığın genişləndirilməsi üçün böyük potensial olduğunu dəyərləndirirəm. Görüşlərdə bu məsələ ətrafında fikir mübadilələri aparılacaq», - deyə vitse-admiral S. Dülgər vurğulayıb. Görüşlərin yekununa dair sənədlərin imzalanması nəzərdə tutulur. Geri dön |