davam.az - BÜTÖV AZƏRBAYCAN ADINA! > Xəbərlər > Tanınmış vəkil İsaxan Aşurov vəfat edib
Tanınmış vəkil İsaxan Aşurov vəfat edib |
|
Tanınmış vəkil İsaxan Aşurov vəfat edib. Bu barədə mərhumun dostu Elton Quliyev xəbər verib.
Onun sözlərinə görə, mərhum vəkil uzun müddətdir xərçəng xəstəliyindən əziyyət çəkirdi. O, bir neçə dəfə əməliyyat olunsa da, xəstəliyin qarşısını almaq mümkün olmayıb. İ.Aşurov müalicəyə getdiyi ABŞ-da dünyasını dəyişib. İsaxan Qara oğlu Aşurov 1955-ci ilin 1 avqustunda Gürcüstanın Bolnisi rayonunun Faxralı kəndində anadan olub. 1972-ci ildə Faxralı kənd orta məktəbini bitirmiş, elə həmin ildə də Bakı Dövlət Universitetinin hüquq fakültəsinə qəbul olunub. 1977-ci ildə həmin fakültəni bitirib. 1977-1981-ci illərdə Qazax Polis Şöbəsində, 1981-84-cü illərdə Tovuz rayon Polis Şöbəsində müstəntiq, 1984-89-cu illərdə isə SSRİ DİN-nin Baş İstintaq Qrupu istintaq briqadasının müstəntiqi vəzifəsində çalışıb. 1989-1991-ci illər ərzində Tovuz polis şöbəsində istintaq bölməsi rəis, 1991-1992-ci illərdə Göyçay rayon Polis Şöbəsində baş müstəntiq, 1992-1993-cü illərdə Qazax rayon Polis Şöbəsinin rəisi vəzifəsində işləyib. 1993-1994-cü illərdə vəzifə səlahiyyətlərindən istifadə edərək Sürət Hüseynova və digərlərinə qarşı müqavimət göstərib, dövləti müdafiə etdiyinə görə həmin dəstə tərəfindən həbs edilib. 1994-cü ildə həbsdən azad olunub. 1996-cı ildən vəkil kimi çalışıb. 4 övladı var. Azərbaycan Respublikasının Vəkillər Kollegiyasının üzvü idi. Geri dön |