davam.az - BÜTÖV AZƏRBAYCAN ADINA! > Güney Azərbaycan xəbərləri > Camal Mehmetxanoğlu: “İran rejiminin Azərbaycana qarşı olan münasibəti şıltaqlıqdan başqa bir şey deyil”
Camal Mehmetxanoğlu: “İran rejiminin Azərbaycana qarşı olan münasibəti şıltaqlıqdan başqa bir şey deyil” |
|
İran rejiminin Azərbaycana qarşı davranışları balaca bir uşağın şıltaqlığını xatırladır.
Bu sözləri İzmir Azərbaycanlıları Mədəniyyət Mərkəzinin sədri, Beynəlxalq Güney Azərbaycan Konseyinin İdarə heyətinin üzvü Camal Mehmetxanoğlu İranın Azərbaycana qarşı davranışlarını şərh edərkən bildirib. “İran rejiminin ideoloqları bir şeyi dərk edə bilmir ki, artıq dünya Azərbaycanlıları oyanıblar və proses Güney Azərbaycan müstəvisində davam etməkdədir. Bu elə bir prosesdir ki, bunun qarşını almaq qeyri-mümkündür. Çünki, vəziyyət İranın xeyrinə dəyişməyəcək formada davam etməkdədir. Bu rejim mənsubları yaxşı dərk etməlidirlər”,deyə mərkəz rəhbəri qeyd edib. Camal Mehmetxanoğlu onu da əlavə edib ki, İran rejimi Azərbaycana təsir imkanları zəifdir və Azərbaycana hansısa bir formada təsir edə bilməyəcək. “Ola bilər ki, hansısa qüvvələr İran rejiminin təbliğatını inansınlar və amma sonradan içi boş bir kağız üzərində dayandığını görəcəklər. Çünki, dünya İrana inanmır və etibarsız bir dövlət halına gəlib”,deyə C.Mehmetxanoğlu bildirib. Elnur Eltürk Geri dön |