davam.az - BÜTÖV AZƏRBAYCAN ADINA! > Çap səhifəsi > Azərbaycan bazarına yeni giriş kontrol sistemləri çıxarılıb

Almaniyanın “Kaba Gallenschuetz” şirkəti Azərbaycan bazarına yeni giriş kontrol sistemləri çıxarıb. «APA-ECONOMICS»in məlumatına görə, şirkət Bakıda keçirilən IV Xəzər Beynəlxalq Mühafizə, Təhlükəsizlik və Xilasetmə Vasitələri Sərgisində (CİPS) özünün yeni mühafizə vasitələrini təqdim edib.

Yeni texnologiyaları barədə «APA-ECONOMICS»ə məlumat verən şirkətin vitse-prezidenti Josef Şorn (Josef Schorn) bildirib ki, «Kaba» ilk dəfə olaraq burada müasir dizaynlı yarımboy sensor keçid sistemi (HSB-S05), yüksək təhlükəsizlik zonaları üçün şlüz kabin sistemi (PIL-S01), muhafizəni səmərəli şəkildə təşkili üçün tamboylu turniket, müxtəlif funksiyalı giriş kontrol menecment sistemi, biometrik tanıma sistemlərini nümayiş etdirir.

Şirkət təqdim etdiyi müasir dizaynlı yarımboy sensor keçid sistemlərinin alqı-satqısı üçün ilə bağlı bir sıra qurumlarla, o cümlədən Bakı Metropoliteni ilə də danışıqlar aparır: «Biz istəyirik ki, Metropolitenlə birgə pilot layihələr həyata keçirək. Bu avadanlığın dizaynından əlavə, istifadəsi rahatdır. Keçən adam keçid avadanlığı ilə təmasda olmur. Hətta bir qədər böyük modeldən əlil arabaları da rahatlıqla keçid edə bilir».

J.Şorn qeyd edib ki, «Kaba» şirkəti azərbaycanlı mütəxəssislər üçün Almaniyada yeni texnologiyalara dair seminarlar və treninqlər təşkil etməyi planlaşdırır.

«Kaba Gallenschütz» şirkəti Almanıyanın Bühl (Baden Baden) şəhərində fəaliyyət göstərir. Şirkət əsasən binaların və ərazilərin girişində tətbiq olunan turniketlər, sensor keçid sistemlər, şlüz kabinlər və karusel qapılar istehsal edir.