davam.az - BÜTÖV AZƏRBAYCAN ADINA! > Gündəm, Sosial, Bildiriş > Yunanıstan hökuməti meşə yanğınlarından zərər çəkən insanlara yardım üçün 20 milyon avro ayırıb
Yunanıstan hökuməti meşə yanğınlarından zərər çəkən insanlara yardım üçün 20 milyon avro ayırıb |
|
Yunanıstan hökuməti ölkədə meşə yanğınlarından zərər çəkən insanlara yardım üçün 20 milyon avro ayır.
TASS informasiya agentliyi xəbər verir ki, bu barədə Nazirlər Kabinetinin rəsmi nümayəndəsi Dimitris Tzanakopulos məlumat verib. O bildirib ki, Baş nazir Aleksis Tsiprasın sədrliyi ilə keçirilmiş iclasda bələdiyyələrin və onların yanğından zərər çəkmiş əhalisinin bilavasitə tələbatının ödənilməsi məqsədilə 20 milyon avro Maliyyə Nazirliyinin fondlarından Daxili İşlər Nazirliyinin xüsusi hesabına köçürüləcək. İclasda, həmçinin ziyan dəymiş bölgələrin effektiv müdafiəsi məqsədilə polis, yanğınsöndürən və hərbçilərdən ibarət birgə patrul dəstələrinin yaradılması barədə qərar qəbul olunub. Yunanıstanda meşə yanğınları qurbanlarının sayı 74-ə çatıb, habelə 187 nəfər xəsarət alıb. Onlardan 23-ü uşaqdır. İyulun əvvəlindən bəri Yunanıstanda havalar çox isti keçir. Son günlər isə temperatur 40 dərəcəyədək yüksəlib. Bazar günü Afina ətrafında (eləcə də Kineta şəhərində, şərqi Attikada və Kalamos şəhərində) eyni vaxtda bir neçə yanğın mənbəyi meydana gəlib. Habelə Peloponnes yarımadasında Korinfiyada və Krit adasında Xanya şəhəri yaxınlığında meşə yanğınları baş verib, lakin bu yanğınlar yaşayış məntəqələri üçün təhlükəli deyil. Geri dön |