davam.az - BÜTÖV AZƏRBAYCAN ADINA! > Xəbərlər, Gənclik > Jurnalistika ixtisasına qəbul olmaq istəyən abituriyentlər bu gün qabiliyyət imtahanı verirlər
Jurnalistika ixtisasına qəbul olmaq istəyən abituriyentlər bu gün qabiliyyət imtahanı verirlər |
|
Dövlət İmtahan Mərkəzi (DİM) avqustun 6-da 2018/2019-cu tədris ili üçün ali təhsil müəssisələrinin bakalavriat səviyyəsinin jurnalistika ixtisasına qəbul olmaq istəyən abituriyentlər üçün qabiliyyət imtahanı keçirir.
DİM-dən bildirilib ki, imtahanda bu ilin iyulun 29-dan avqustun 1-dək jurnalistika ixtisasına qəbul olmaq üçün internet vasitəsilə anket dolduraraq qeydiyyatdan keçmiş və III ixtisas qrupu üzrə test imtahanı verərək müsabiqə şərtini ödəyən abituriyentlər iştirak edirlər. İmtahan Bakı şəhərində və DİM-in regional bölmələrinin yerləşdiyi Naxçıvan, Gəncə, Lənkəran, Şəki, Bərdə, Göyçay, Şirvan, Xaçmaz şəhərlərində təşkil olunub. Saat 11:00-da başlanan imtahan 2 saat 30 dəqiqə davam edəcək. Jurnalistika ixtisasına qəbul olmaq üçün III ixtisas qrupu üzrə keçirilən test imtahanında tələb olunan müsabiqə şərtini ödəmiş 446 abituriyent qeydiyyatdan keçib. Abituriyentlərdən 125 nəfərini oğlanlar, 321 nəfərini qızlar təşkil edir. Abituriyentlərdən 402-si Azərbaycan, 44-ü isə rus bölməsi üzrə imtahan verir. Geri dön |