davam.az - BÜTÖV AZƏRBAYCAN ADINA! > Diaspor > Azərbaycan və Türkiyə diasporlarının II forumu keçiriləcək
Azərbaycan və Türkiyə diasporlarının II forumu keçiriləcək |
|
Cari ilin ikinci yarısında Azərbaycan və türk diaspor təşkilatlarının ikinci forumunun keçirilməsi nəzərdə tutulub.
Bu barədə məlumat Davam.az-a Diasporla İş üzrə Dövlət Komitəsindən daxil olub. Məlumatda bildirilib ki, foruma hazırlıq istiqamətində müvafiq işlər görülür. Yaxın vaxtlarda forumun keçiriləcəyi yer və onun dəqiq vaxtı müəyyənləşdiriləcək. Forumda Azərbaycan və Türkiyə diasporu arasında əməkdaşlığın gələcək perspektivləri, qarşıda duran vəzifələr və birinci forumdan keçən dövr ərzində görülən işlər ətrafında fikir mübadiləsi aparılacaq. Qeyd edək ki, Azərbaycan və türk diaspor təşkilatlarının birinci forumu prezident İlham Əliyevin təşəbbüsü ilə 2007-ci il, mart ayının 9-da Bakı şəhərində keçirilib. Forumda “Azərbaycan və Türk diaspor təşkilatlarının birgə fəaliyyət strategiyası” qəbul edilmişdi. Sənəddə Azərbaycan və Türk diaspor təşkilatlarının birgə fəaliyyətini şərtləndirən tarixi, siyasi, iqtisadi, sosial-psixoloji amillər, əməkdaşlığın prinsip və istiqamətləri, habelə əhatə edəcəyi əsas sahələr öz əksini tapmışdır. Geri dön |