davam.az - BÜTÖV AZƏRBAYCAN ADINA! > Sosial > Zeynalabdin Tağıyevin daha bir qız məktəbi üzə çıxdı
Zeynalabdin Tağıyevin daha bir qız məktəbi üzə çıxdı |
|
Mahaçqalada da Hacı Zeynalabdin Tağıyevin qız məktəbi olub.
Bu barədə tədqiqatçı, tarix elmləri üzrə fəlsəfə doktoru Fərhad Cabbarov məlumat verib. Onun sözlərinə görə, Dağıstanda 1915-ci ildə H.Z.Tağıyevin adına qız məktəbi yaradılıb. Bu fakt Azərbaycan Respublikası Dövlət Tarixi Arxivində yer alan sənədlərdə də təsdiqlənib. “372 nömrəli fondun 1-ci siyahısındakı 50 nömrəli saxlama vahidində 98-ci səhifədə bu faktı təsdiqləyən məktubun surətini var. Belə ki, Balıqçılıq Sənayesi İdarəsindən göndərilən məktubda Heydər bəy Tarkovskinin xahişi ilə H.Z.Tağıyevin Petrovskidəki Qız Pansionuna 1914-1915-ci tədris ilinin ikinci yarısı üçün Tarkovskinin qızı Şirni xanım Tarkovskinin adına 100 (yüz) rubl keçirilməsi xahiş olunurdu. H.Z.Tağıyev üçün 100 rubl o qədər də böyük məbləğ deyildi. Bu, sadəcə olaraq xatırlatma məktubu idi” – deyə, F.Cabbarov bildirib. Qeyd edək ki, Petrovski indiki Maxaçqalanın əvvəlki adıdır. Hələ XV əsrdən Dərbəndə gedən yolun üstündə əhəmiyyətli ticarət mərkəzi olan Tarki-aul 1847-ci ildə, I Pyotrun 1822-ci ildə İran Yürüşü zamanı bu yerlərdə olmasının şərəfinə Petrovski adlandırılıb. Petrovski şəhərinin adı 1921-ci il mayın 14-də isə inqilabçı Maxaç Daxadayevin şərəfinə Mahaçqala olaraq dəyişdirilib. Nazim Nəsrəddinov Geri dön |