Deprecated: preg_replace(): The /e modifier is deprecated, use preg_replace_callback instead in /home/davam/public_html/engine/modules/show.full.php on line 292 davam.az - BÜTÖV AZƏRBAYCAN ADINA! > Çap səhifəsi > Gürcüstanda azərbaycanlıların yaşadıqları kənddə yeni uşaq bağçası istifadəyə verilib
davam.az - BÜTÖV AZƏRBAYCAN ADINA! > Gündəm, Borçalı > Gürcüstanda azərbaycanlıların yaşadıqları kənddə yeni uşaq bağçası istifadəyə verilib

Gürcüstanda azərbaycanlıların yaşadıqları kənddə yeni uşaq bağçası istifadəyə verilib


Gürcüstanda, azərbaycanlıların ən çox yaşadıqları Marneuli rayonunun Alget kəndində yeni uşaq bağçası istifadəyə verilib.

Marneuli bələdiyyəsindən bildiriblər ki, əsasən azərbaycanlılar yaşayan kənddə istifadəyə verilən uşaq bağçası ikimərtəbəli və 150 yerlikdir. Bağçanın binası müasir standartlara cavab verir. Onun ərazisində uşaqlar üçün attraksionlar və digər əyləncə yerləri, təhlükəsizlik üçün rezin örtüklər, oturacaqlar quraşdırılıb.

Uşaq bağçasının tikintisinə regionda həyata keçirilən layihələr çərçivəsində yerli büdcədən maliyyə vəsaiti ayrılıb. Bağçanın açılışında dövlət və hökumət nümayəndələri, parlament deputatları, bağça əməkdaşları, valideynlər və kənd sakinləri iştirak ediblər.

Bağçada uşaqların təlim-tərbiyəsi və qayğıları ilə məşğul olacaq heyət də əsasən azərbaycanlılardan ibarətdir.

Xətayi Əzizov
Geri dön