Deprecated: preg_replace(): The /e modifier is deprecated, use preg_replace_callback instead in /home/davam/public_html/engine/modules/show.full.php on line 292 davam.az - BÜTÖV AZƏRBAYCAN ADINA! > Çap səhifəsi > İzmirdə TÜRKPA-nın 8-ci plenar iclası keçiriləcək
davam.az - BÜTÖV AZƏRBAYCAN ADINA! > Xəbərlər, Türk dünyası-Turan > İzmirdə TÜRKPA-nın 8-ci plenar iclası keçiriləcək

İzmirdə TÜRKPA-nın 8-ci plenar iclası keçiriləcək


Noyabrın 20-21-də Türkiyə Böyük Millət Məclisinin ev sahibliyi ilə İzmir şəhərində TÜRKPA-nın 8-ci plenar iclası keçiriləcək.

TÜRKPA-dan bildiriblər ki, plenar iclasdan əvvəl Assambleya Şurasının iclası baş tutacaq, sədrlik Qırğızıstan Respublikası Joqorku Keneşindən Türkiyə Böyük Millət Məclisinə təhvil veriləcək.

Noyabrın 21-də plenar iclas çərçivəsində TÜRKPA-nın 10 illiyinə həsr edilmiş “TÜRKPA-nın ilk 10 ili və parlamentlərarası əməkdaşlığın gələcəyi: Yeni yanaşmalar” adlı beynəlxalq konfrans keçiriləcək.

Üzv ölkələrin parlament sədrləri, o cümlədən türkdilli ölkələrin əməkdaşlıq qurumları və beynəlxalq təşkilatlar tədbirdə iştirak edəcəklər.

İclasın gündəliyinə TÜRKPA daimi komissiyalarının sonuncu iclaslarının hesabat məruzələri və tövsiyə qərarları, TÜRKPA beynəlxalq müşahidəçi missiyalarının Türkiyədə keçirilən prezident və parlament seçkilərini və Azərbaycanda keçirilən prezident seçkiləri haqqında hesabat məruzələri daxildir.

Plenar iclasın yekununda İzmir bəyannaməsi qəbul ediləcək.
Geri dön