davam.az - BÜTÖV AZƏRBAYCAN ADINA! > Hərb > “Türkiyə Azərbaycan ordusunun texniki cəhətdən NATO standartlarına uyğunlaşdırılmasında mühüm rol oynaya bilər”
“Türkiyə Azərbaycan ordusunun texniki cəhətdən NATO standartlarına uyğunlaşdırılmasında mühüm rol oynaya bilər” |
|
“Türkiyə Azərbaycan Silahlı Qüvvələrinin texniki cəhətdən NATO standartlarına uyğunlaşdırılmasında mühüm rol oynaya bilər”.
Bunu Türkiyə Milli Müdafiə Nazirliyinin müdafiə sənayesi katibi Murad Bayar bildirib. M. Bayar deyib ki, hazırda Türkiyə Azərbaycan Silahlı Qüvvələrinin təchizatında və hazırlanmasında iştirak edir. Türkiyə müdafiə sənayesi sektorunda birgə istehsal prosesini qurmaqla, eləcə də bu sahədə əməkdaşlığı dərinləşdirməklə Azərbaycan ordusunun inventarının NATO standartlarına uyğunlaşmasında da rol oynaya bilər. Qarşıdakı illərdə hər iki tərəf “Strateji Əməkdaşlıq və Qarşılıqlı Yardım Müqaviləsi”nə uyğun olaraq bu sahədə səylərini daha da artıracaq. “Biz birgə layihələrlə bunu reallaşdıra bilərik. Eyni zamanda Türkiyədə istehsal edilən silah, rabitə vasitələri və hərbi texnologiyalar NATO standartlarına uyğundur. Eyni zamanda hərbçilərimiz tərəfindən qəbul edilərək sınaqdan keçib. Azərbaycan Silahlı Qüvvələri ilə bu məhsulları və təcrübəmizi bölüşməyə hazırıq”, - deyə Türkiyə müdafiə sənayesi katibi vurğulayıb. M. Bayar onu da əlavə edib ki, Türkiyə Azərbaycanı böyük layihələrdə iştiraka dəvət edib. Geri dön |