davam.az - BÜTÖV AZƏRBAYCAN ADINA! > Gündəm, Diaspor > Xarici ölkələrdə yaşayan azərbaycanlı gənclər Bakıda toplaşacaq
Xarici ölkələrdə yaşayan azərbaycanlı gənclər Bakıda toplaşacaq |
|
Avqustun 18 və 20-də da “JW Marriot Hotel Absheron”da X ASAIF beynəlxalq yay forumu keçiriləcək. ASAİF-dən Lent.az-a verilən məlumata görə, tədbirdə 40 ölkədən 500 azərbaycanlı gəncin iştirakı nəzərdə tutulub.
Forumun birinci günü, gənclər və idman naziri Azad Rəhimov, təhsil naziri Misir Mərdanov, xarici işlər naziri Elmar Məmmədyarov, Prezident Administrasiyasının şöbə müdiri Elnur Aslanov, Dövlət Neft Fondunun icraçı direktoru Şahmar Mövsümovun çıxışları planlaşdırılır. Daha sonra işçi qruplar üzrə müzakirələr aparılacaq və səsləndiriləcək təkliflər təşkilatın illik fəaliyyət planına daxil ediləcək. Forum zamanı təşkilatın strukturu təsdiqlənəcək, təşkilatın yeni sədrliyi üçün seçkilər keçiriləcək və ölkələr üzrə nümayəndələr təyin ediləcək. Forumun rəsmi hissəsi bitdikdən sonra isə iki böyük panel üzrə qrup müzakirələri baş tutacaq və təkliflər irəli sürüləcək. Panel müzakirələrinin yekun nəticələrinə uyğun isə səslənən təkliflər ASAIF-in illik planına daxil ediləcək. Forumun sonunda saat 20:00-da “JW Marriot Hotel Absheron”da tədbir iştirakçıları üçün qapalı ziyafət təşkil olunacaq. Forumun ikinci günü, avqustun 20-də iştirakçıların Azərbaycanın dilbər guşələrindən biri olan İsmayıllı rayonuna səfəri nəzərdə tutulur. Forumun rəsmi tərəfdaşı Azərbaycan Gənclər və İdman Nazirliyidir. Geri dön |