davam.az - BÜTÖV AZƏRBAYCAN ADINA! > Çap səhifəsi > UEFA “Arsenal”ın Bakıda təxribatının qarşısını alıb

İngiltərənin “Arsenal” klubunun Avropa Liqasının Bakıda keçiriləcək final oyunu ilə bağlı təxribat xarakterli planları alt-üst olub.

London təmsilçisi mayın 29-da keçiriləcək oyundan öncəki isinmə hərəkətlərində meydana arxasında Henrix Mxitaryanın adı yazılan formalarla çıxmağı planlaşdırırmış.

Azərbaycanda keçirilən görüşə gəlməkdən imtina edən erməniyə dəstək olmaq istəyən “topçular”ın bu arzusuna UEFA əngəl olub. Avropa futbol qurumu hər hansı belə addımın qaydalarla qadağan olunduğunu bəyan ediblər. Komandaların matç zamanı, həmçinin ondan əvvəl və sonra geyindikləri geyimlər UEFA tərəfindən təsdiqlənmiş olmalıdır.

Qeyd edək ki, Azərbaycan “Arsenal”ın erməni futbolçusunun təhlükəsizliyini ən yüksək səviyyədə təmin etsə də, H.Mxitaryan Bakıya gəlməkdən boyun qaçırıb.