davam.az - BÜTÖV AZƏRBAYCAN ADINA! > Çap səhifəsi > Vaşinqton zəlzələyə görə İrana qarşı maliyyə sanksiyasını yüngülləşdirir

ABŞ (Amerika Birləşmiş Ştatları) Şərqi Azərbaycanda 11 avqust zəlzələsindən zərər çəkənlərə yardım göndərməyi asanlaşdırmaq üçün müvəqqəti icazə verir və İrana qoyulan maliyyə sanksiyasını yüngülləşdirir.

ABŞ Maliyyə Nazirliyi bildirib ki, sırf zəlzələdən zərər çəkən yardım etmək üçün QHT-lərə (qeyri hökumət təşkilatları) İrana 300 min dollara qədər yardımlar etmək sərbəst olacaq, bundan daha böyük məbləğdə yardım üçün xüsusi icazə tələb olunacaq. Nazirlik xüsusi – yüngülləşdirilmiş icazə rejiminin oktyabrın 5-nə qədər qüvvədə olacağını bildirib.

Nazirlik bildirib ki, bu icazə ABŞ hökumətinin faciədən zərər çəkən xalqı dəstəkləmək öhdəliyinin göstəricisidir.

11 avqust zəlzələsində rəsmi açıqlamalara görə Şərqi Azərbaycan Əyalətində azı 300 nəfər həlak olub, yüzlərlə kənd dağəlıb. Qeyri rəsmi hesablamalara görə isə zərərçəkənlərin və dağılan kəndlərin sayı qat-qat rəsmi rəqəmlərdən artıqdır.