davam.az - BÜTÖV AZƏRBAYCAN ADINA! > Xəbərlər, Hərb > İkinci S-400 batareyasının Türkiyəyə çatdırılmasına sabah başlanılacaq
İkinci S-400 batareyasının Türkiyəyə çatdırılmasına sabah başlanılacaq |
|
S-400 zenit-raket komplekslərinin ikinci batareyasının Türkiyəyə çatdırılması avqustun 27-də başlayacaq.
Bu barədə Türkiyənin Müdafiə naziri Hulusi Akar məlumat verib. “S-400 zenit-raket komplekslərinin ikinci batareyası sabahdan Türkiyəyə gətirilməyə başlayacaq”, - deyə nazir NTV telekanalının efirində bildirib. Xatırladaq ki, 2017-ci ilin dekabr ayında Türkiyə və Rusiya S-400 “Triumf” zenit-raket komplekslərinin satın alınmasına dair 2,5 milyard dollar həcmində kredit sazişi imzalayıb. S-400 komplekslərinin ilk batareyasının komponentləri iyulun 12-dən 25-dək bu ölkəyə çatdırılıb. Rusiyanın ən yeni hava hücumundan müdafiə sistemlərindən biri olan S-400 zenit-raket komplekslərinin alınması Türkiyə və ABŞ arasında beynəlxalq qalmaqala səbəb olub. Birləşmiş Ştatlar Ankaradan bu sövdələşməni dayandırmağı və əvəzində ABŞ istehsalı olan “Patriot” zenit-raket komplekslərini almağı tələb edib. Əks-təqdirdə Vaşinqton F-35 qırıcı təyyarələrinin Türkiyəyə satışının ləngidiləcəyini və ya tamamilə dayandırılacağını istisna etməyib. Uzaq məsafəli zenit-raket sistemi - S-400 “Triumf” (NATO kodifikasiyasına görə SA-21 Growler) 2007-ci ildə Rusiyada silahlanmaya qəbul olunub. O, aviasiya vasitələrini, qanadlı raketləri, o cümlədən orta təsir radiuslu ballistik raketləri, həmçinin yerüstü obyektləri məhv etmək üçün nəzərdə tutulub. Hərəkət məsafəsi 400 kilometrdə çatan zenit-raket sistemi hədəfi 30 kilometrədək hündürlükdə vura bilir. Türkiyə Belarus və Çindən sonra “Triumf” zenit-raket kompleksləri alan üçüncü ölkədir. Yaxın vaxtlarda onlara Hindistan da qoşulacaq. Geri dön |