davam.az - BÜTÖV AZƏRBAYCAN ADINA! > Türk dünyası-Turan > Bakıda Türkiyə Cümhuriyyətinin 96-cı ildönümü ilə bağlı rəsmi qəbul keçirilib
Bakıda Türkiyə Cümhuriyyətinin 96-cı ildönümü ilə bağlı rəsmi qəbul keçirilib |
|
Rəsmi qəbulda dövlət və hökumət rəsmiləri, millət vəkilləri, ictimaiyyət nümayəndələri iştirak ediblər. Azərbaycan və Türkiyənin himnlərinin oxunması ilə başlayan tədbirdə Türkiyənin Azərbaycandakı səfiri Erkan Özoral və Milli Məclisin sədri Oqtay Əsədov çıxış ediblər. E. Özoral prezident Rəcəb Tayyib Ərdoğanın Türkiyə Cümhuriyyətinin elan edilməsinin 96-cı ildönümü ilə bağlı təbrikini oxuyub. Türkiyə Prezidenti təbrikində bildirib ki, Qazi Mustafa Kamal Atatürk başda olmaqla, İstiqlal savaşımızın qələbəsində rolu olanları hörmətlə yad edirlər: “Qarşıdakı ildə Türkiyə Böyük Millət Məclisinin yaradılmasının 100-cü ildönümünü qeyd edəcəyik. Biz bu dövlətin qurulması və qorunması üçün canından keçmiş bütün şəhidlərimizə rəhmət diləyirik. Biz dövlət və millət olaraq son illər yenə də bir İstiqlal savaşı verməkdəyik. Hazırda Türkiyənin Suriyanın şimalında həyata keçirdiyi “Barış bulağı” əməliyyatı da bu mübarizəmizin bir hissəsidir. Bu gün sərhədlərimizin təhlükəsizliyinə və iqtisadiyyatımıza hücumlar davam edir, İstiqlal savaşını fərqli formada aparırıq. Türkiyə qədim dövlətçilik nənələri ilə bu problemlərin öhdəsindən gələcək. Ölkəmizin qarşısındakı maneələri aşaraq bu günlərə gəldik. Ölkəmizi 2023-cü il hədəflərinə çatdıraraq bizdən sonrakı nəsillərin 2071-ci il hədəflərinə çatmasına zəmin yaradacağıq. Bir daha Türkiyə Cümhuriyyətinin edan edilməsinin 96-cı ildönümü münasibəti ilə sizləri təbrik edirəm”.
Azərbaycan Prezidenti İlham Əliyevin təbriklərini çatdıran spiker Oqtay Əsədov isə Azərbaycan-Türkiyə dostluq və qardaşlıq münasibətlərinin sarsılmaz olduğunu vurğulayıb. DAVAM.AZ Geri dön |