davam.az - BÜTÖV AZƏRBAYCAN ADINA! > İdman > AVRO-2020: 20 komanda püşkü gözləyir
AVRO-2020: 20 komanda püşkü gözləyir |
|
AVRO-2020-nin seçmə mərhələsi başa çatıb. Final mərhələsinə buradan gedən 20 komandanın tam siyahısı dəqiqləşib. Bu üzdən artıq yığmaların püşkatmadakı səbətləri də bəllidir. Komandalar qrupda göstərdikləri nəticələrə əsasən səbətlərə ayrılıb. Noyabrın 30-da baş tutacaq püşkatmada 20 yığma və pley-off mərhələsinin 4 qalibi iştirak edəcək. Sonuncuların hamısı IV səbətə daxil edilib. Lakin meydan sahibi olan iştirakçıların qrupları da bəllidir. Bu, hətta bəzi rəqiblərin də müəyyənləşməsi üçün yetərli olub. Rusiya və Danimarka B qrupunda yer alacaqlar. İngiltərə və İspaniyanın qrupundakı komandalar isə play-offdan gələcək. Ukrayna Rusiya ilə eyni qrupa düşə bilməz. I səbətin 4 komandası ev sahibi olduğundan onların hansı qrupda olacağı öncədən bəllidir. B qrupuna mütləq şəkildə Belçika düşür. Bir sözlə, Danimarka, Belçika və Rusiya artıq eyni qrupdadır. Ukrayna isə A, D, E, F qruplarının meydan sahiblərindən biri ilə eyni səbətdə yer aldığından və B qrupunda Rusiya olduğundan avtomatik C qrupuna düşür. Onların burada rəqibi Hollandiya olacaq.
I səbət Belçika İtaliya (A qrupu) İngiltərə (D qrupu) Almaniya (F qrupu) İspaniya (E qrupu) Ukrayna II səbət Fransa Polşa İsveçrə Xorvatiya Hollandiya (C qrupu) Rusiya (B qrupu) III səbət Portuqaliya Türkiyə Danimarka (B qrupu) Avstriya İsveç Çexiya IV səbət Uels Finlandiya A yolunda pley-offun qalibi B yolunda pley-offun qalibi (E qrupu) C yolunda pley-offun qalibi (D qrupu) D yolunda pley-offun qalibi Qeyd edək ki, püşkatma Rumıniyanın paytaxtı Buxarestdə keçiriləcək. DAVAM.AZ Geri dön |