davam.az - BÜTÖV AZƏRBAYCAN ADINA! > Hadisə > Metal vintlər və pirotexniki vasitələrin qanunsuz yolla gətirilməsinin qarşısı alınıb
Metal vintlər və pirotexniki vasitələrin qanunsuz yolla gətirilməsinin qarşısı alınıb |
|
Metal vintlər, papiros və pirotexniki vasitələrin ölkəyə qanunsuz yolla gətirilməsi cəhdinin qarşısı alınıb. Dövlət Gömrük Komitəsinin Mətbuat və İctimaiyyətlə Əlaqələr İdarəsindən bildirilib ki, Şimal Ərazi Baş Gömrük İdarəsinin Əməliyyat və təhqiqat şöbəsinin məlumatı əsasında Rusiya istiqamətindən “Samur” gömrük postunun idxal gömrük nəzarəti xəttinə daxil olan Azərbaycan vətəndaşının “Mercedes-Benz 250 D” markalı avtomobili saxlanılıb və gömrük baxışı keçirilib. Nəticədə nəqliyyat vasitəsinin sağ və sol ayaq altlıqlarında gömrük nəzarətindən gizlədilən müxtəlif ölçülərdə 600 ədəd metal mil, 20 ədəd metal məftil, 417 ədəd metal vint, 2 ədəd metal vint altlığı, 1100 ədəd “Belomorkanal” papirosu, 840 ədəd “Korsar” markalı pirotexniki vasitə və ona aid 146 ədəd karton qutu aşkarlanıb. Faktla bağlı araşdırma aparılır.
DAVAM.AZ Geri dön |