davam.az - BÜTÖV AZƏRBAYCAN ADINA! > Borçalı > Meriya 247 000 lariyə fərqli yeni il işıqları vəd edir
Meriya 247 000 lariyə fərqli yeni il işıqları vəd edir |
|
Marneuli meri Zaur Darğallının sözlərinə görə, keçən illə müqayisədə bu il yeni ildə şəhərin daha da yaxşı bəzədilməsi üçün ayrılmış vəsaitin miqdarı artırılıb. Meriya tərəfindən yeni il bəzəklərinin alınması və quraşdırılması (montaj) üçün 247 000 larilik tender artıq elan olunub.
“Bu şəhərin sakini və meri kimi böyük istəyim var ki, bu il yeni il fərqli keçsin və vətəndaşların fərqli, gözəl yeni ili olsun. Mərkəzi küçədə işıqları dəyişəcəyik, fəvvarənin ətrafı, körpü işıqlarla bəzədiləcək və Mədəniyyət evinin qarşısında bir növ yeni il kəndi təşkil olunacaq. Vətəndaşlar tərəfindən həmişə etirazlar olurdu ki, yeni il bəzəkləri zəifdir və bu il məhz bu istiqamətdə çalışmağa başlamışıq və fərqli işıqlar olacaq”, – Marneuli meri deyir. Zaur Darğallının sözlərinə görə, daha yaxşı yeni il işıqları da mümkün idi, ancaq bunların hamısı çox böyük vəsait tələb edir və gələcəkdə yeni il işıqları hər il artacaq. “Yeni il işıqlarının qiyməti çox bahadır və bu halda resurslarımızdan irəli gələrək ən uyğun olanını etdik. Hər il müxtəlif elementlər əlavə etməyə çalışacağıq və müxtəlif küçələrə də daxil olacağıq. Köhnə işıqlardan da müxtəlif küçələrdə istifadə edəcəyik. Bu həftə biznes sektorla, bank və müştərilərlə görüşüm olacaq və görək onlar şəhərin işıqlandırılmasına öz töhfələrini necə verirlər”, – Zaur Darğallı deyir. Yaxın dövrdə meriya yeni il tədbirləri ilə bağlı daha bir əlavə tender elan edəcək. Qeyd edək ki, keçən il 2019-cu ilin gəlişi üçün yerli özünüidarəetmə 55 000 lariyə qədər vəsait xərcləmişdi. Bura isə yeni il tədbiri (14 050 lari), yeni il üçün şam ağacının alınması (14 000 lari) və şəhərin bəzədilməsi (25 719 lari) daxil idi. Bu il yalnız şəhərin işıqlandırılması meriyaya 247 000 lariyə başa gələcək. Yeni ili qarşılamaq üçün elan olunmuş tenderə aşağıdakı xidmətlər daxildir: Fəvvarə və fəvvarənin ətrafının yeni il işıqları ilə bəzədilməsi Körpünün yeni il işıqları ilə bəzədilməsi Rustaveli küçəsinin yeni il işıqları ilə bəzədilməsi Meriya binasının yeni il işıqları ilə bəzədilməsi Meriya binası qarşısında şam ağacının yeni il işıqları ilə bəzədilməsi Mədəniyyət evinin yeni il işıqları ilə bəzədilməsi Mədəniyyət evinin qarşısındakı parkın yeni il işıqları ilə bəzədilməsi. DAVAM.AZ “Tiflis Bürosu” (Gürcüstan) Geri dön |