davam.az - BÜTÖV AZƏRBAYCAN ADINA! > Hadisə > Parçaya hopdurulan narkotik vasitənin sərhəddən keçirilməsi cəhdi baş tutmayıb
Parçaya hopdurulan narkotik vasitənin sərhəddən keçirilməsi cəhdi baş tutmayıb |
|
Beynəlxalq poçt göndərişləri yolu ilə narkotik vasitənin gömrük sərhədindən keçirilməsi cəhdinin qarşısı alınıb. Dövlət Gömrük Komitəsinin Mətbuat və İctimaiyyətlə Əlaqələr İdarəsindən bildirilib ki, Bakı Karqo Terminalında Azərbaycandan Avstraliyaya ünvanlanan poçt bağlamasına kinoloji xidmət itinin tətbiqi ilə baxış keçirilib. Xidməti it reaksiya verdiyi üçün bağlama Hava Nəqliyyatında Baş Gömrük İdarəsinin Poçt göndərişləri gömrük postunda təkrar yoxlanılıb. Parçanın daxilinə narkotik vasitəyə oxşar naməlum maddənin hopdurulduğu ehtimal olunduğuna görə, poçt bağlaması araşdırma məqsədilə saxlanılıb. Təkrar yoxlama nəticəsində parçaya hopdurulan maddənin 3 kiloqram 154 qram çəkidə tiryək olduğu müəyyən edilib. Faktla bağlı araşdırma aparılır.
DAVAM.AZ Geri dön |