davam.az - BÜTÖV AZƏRBAYCAN ADINA! > Mədəniyyət > “Bir əsrlik Nəsimi araşdırmaları” kitabı təqdim olunub
“Bir əsrlik Nəsimi araşdırmaları” kitabı təqdim olunub |
|
“İçərişəhər” Dövlət Tarix-Memarlıq Qoruğu İdarəsində (DTMQİ) İmadəddin Nəsiminin 650 illik yubileyinə həsr olunan “Bir əsrlik Nəsimi araşdırmaları” adlı kitabın təqdimatı və eyni adlı elmi-praktik konfrans keçirilib. Təqdimatda “İçərişəhər” DTMQİ İdarə Heyətinin üzvü Cavid Kazımov, akademik Nizami Cəfərov, bir çox nəsimişünas alimlər və başqa qonaqlar iştirak ediblər. "İçərişəhər" DTMQİ-nin Elm şöbəsinin müdiri, filologiya üzrə fəlsəfə doktoru İradə Musayeva kitab haqqında məlumat verərək bildirib ki, “Bir əsrlik Nəsimi araşdırmaları” kitabı bir il ərzində ərsəyə gətirilib: "Kitab iki hissədən ibarətdir. Birinci hissədə müasir, ikinci hissədə isə klassik nəsimişünasların məqalələri yer alıb. "İçərişəhər" DTMQİ-nin İdarə Heyətinin üzvü Cavid Kazımov il ərzində Nəsimiyə həsr olunmuş bir sıra tədbirlərin təşkil olunduğunu diqqətə çatdırıb: "İçərişəhər Qoruğu da ölkəmizin mədəni irsinin qorunub daim gündəmə gətirilməsi ilə məşğuldur. Bu baxımdan Nəsimi ilində onun haqqında kitab hazırlamağı və belə bir tədbir keçirməyi özümüzə borc bildik".
Sonda Azərbaycan Milli Konservatoriyasının tərkibində İncəsənət Gimnaziyası şagirdlərinin ifasında “Nəsimi” adlı kompozisiya səsləndirilib. DAVAM.AZ Geri dön |