davam.az - BÜTÖV AZƏRBAYCAN ADINA! > Mədəniyyət > “Klassiklər və müasirlər” adlı albom işıq üzü görüb
“Klassiklər və müasirlər” adlı albom işıq üzü görüb |
|
Azərbaycan Aşıqlar Birliyinin hazırladığı aşıq havalarından ibarət “Klassiklər və müasirlər” adlı audio albom işıq üzü görüb. Azərbaycan Aşıqlar Birliyindən bildirilib ki, albomda həm klassik ustad aşıqların lent yazılarına, həm də müasir aşıqların ifalarına yer ayrılıb. Azərbaycan Aşıqlar Birliyinin katibi, əməkdar mədəniyyət işçisi Musa Nəbioğlu bildirib ki, bu ilin yazında Prezident İlham Əliyevin Aşıqlar Birliyinin inkişafı üçün ayırdığı maliyyə vəsaiti ilə hazırlanan albomda klassik ustad aşıqlardan Dədə Şəmşir, İslam Yusifov, Hüseyn Cavan, Əmrah Gülməmmədov, Şakir Hacıyev, Nabat Cavadova, İmran Həsənov, Hüseyn Saraçlı, Məmmədağa Babayev, Mikayıl Azaflı, İsfəndiyar Rüstəmov, Kamandar Əfəndiyev, Əkbər Cəfərov, Ədalət Nəsibov və Pənah Pənahovun repertuarlarından ən məşhur ifalarının yer aldığı audiodiskdə dövrümüzdə yaşayıb-yaradan tanınmış aşıqların ifasına da yer verilməsi həm də sənətdə varislik ənənəsinin qorunması baxımından böyük əhəmiyyət kəsb edir. Belə ki, sənətsevərlər klassik ustadlarla yanaşı Səlim Göyçəli, Əli Tapdıqoğlu, Qələndər Zeynalov, Altay Məmmədli, İlham Aslanbəyli, Gözəl Kəlbəcərli, Ramin Qarayev, Şaiq İncəli, Nəbi Nağıyev, Nazim Quliyev, Elbrus Hüseynov, Şöhrət Kərimov, Avdı Musayev, Elməddin Məmmədli və Şəhriyar Qaraxanlının, Əməkdar mədəniyyət işçisi Gülarə Azaflının rəhbərlik etdiyi “Çeşmə” folklor qrupunun ifasında bir-birindən gözəl ifaları dinləyə biləcəklər.
DAVAM.AZ Geri dön |