davam.az - BÜTÖV AZƏRBAYCAN ADINA! > Türk dünyası-Turan > QR Táýelsizdiginiń 28 jyldyǵyna arnalǵan túrki elderiniń kontserttik týrnesi Serbııada aıaqtaldy
QR Táýelsizdiginiń 28 jyldyǵyna arnalǵan túrki elderiniń kontserttik týrnesi Serbııada aıaqtaldy |
|
Qazaqstan Táýelsizdiginiń 28 jyldyǵyna arnalǵan «Túrki áleminiń áýenderi» kontserttik týry Serbııanyń Kragýevats qalasynda mýzykalyq keshpen aıaqtaldy. TÚRKSOI Jastar kameralyq orkestriniń kontserttik týrnesi Túrkistannan bastalady Týrnege túrki áleminiń ártisterimen birge Qazaqstannyń shyǵarmashylyq ujymdary – «Aqjarma» folklorlyq-mýzykalyq ansambli jáne «Jorǵa» halyq bı ansambli qatysty. Túrki álemi ártisteriniń Qazaqstan Respýblıkasynyń 28 jyldyǵyna oraılastyrylǵan týryn Qazaqstan, Majarstan, Horvatııa, Bosnııa jáne Gertsogovına, Serbııa elshilikteri TÚRKSOI-men yqpaldastyqta uıymdastyrdy. Jáne ol Majarstan astanasy Býdapeshtten bastaldy. Sapar odan ári Zagreb (Horvatııa), Saraevo (Bosnııa jáne Gertsegovına), Kragýevats (Serbııa) qalalarynda jalǵasty. «Túrki áleminiń áýenderi» týrnesi 16 jeltoqsan kúni Serbııanyń Kragýevats qalasynda ótken sońǵy kontsertpen aıaqtaldy. Mýzykalyq keshter barysynda túrki halyqtarynyń ulttyq ánderi men bıleri pash etildi. Týrnege engen memleketterdiń aýdıtorııasy alǵash ret qobyz, komýz, kanýn, saz aspaptarynyń erekshe únine qanyqty. Qazaq mýzykalyq nomerlerine «Toıbazar», «Jelkildek» ánderi, Qurmanǵazynyń «Balbyraýyn», Dáýletkereıdiń «Kóroǵly» kúıleri jáne ózge de kompozıtsıalar endi. Mańǵystaý oblysynyń «Jorǵa» jáne «Aqjarma» shyǵarmashylyq ujymdary oryndaǵan halyq ánderi men bılerdi kórermen dý qol shapalaqpen qarsy qaldy. Sondaı-aq óner súıer qaýym Ázerbaıjannyń «Zamanaýı mýzyka ansambliniń», qyrǵyzstandyq komýzshy Áıgerim Muhtardınqyzynyń, Túrkııa Respýblıkasy Mádenıet jáne týrızm mınıstrligi janyndaǵy Ankara mýzyka ansambliniń jáne túrkııalyq «CopeArt» mýzykalyq ujymynyń ónerine laıyqty baǵasyn berdi. Al vokalshylar - Sırýz Mamadly (Ázerbaıjan), Asanaly Qasherov, Áıgerim Quljarasova (Qazaqstan) jáne Jansý Kyrdja (Túrkııa) óz kórermenderin túrki álemi boıynsha umytylmas saıahatqa attandyrdy.
DAVAM.AZ “Nur-Sultan Bürosu” (Qazaxstan) Geri dön |