davam.az - BÜTÖV AZƏRBAYCAN ADINA! > Mədəniyyət > “Azərbaycan ədəbiyyatının virtual kitabxanası”na oxucuların marağı artır
“Azərbaycan ədəbiyyatının virtual kitabxanası”na oxucuların marağı artır |
|
Azərbaycan Respublikası Dövlət Milli Kitabxanasının təşəbbüsü ilə 2014-cü ildən başlayaraq “Azərbaycan ədəbiyyatının virtual kitabxanası” (http://ebooks.azlibnet.az/) yaradılıb. Virtual məkanda fəaliyyət göstərən kitabxananın bir milyondan artıq izləyicisi var, burada yeddi minə yaxın kitab yer alıb. Dünyanın 40-dan çox ölkəsindən sözügedən kitabxanaya müraciət olunur. “Azərbaycan ədəbiyyatının virtual kitabxanası”nda Azərbaycanın tarixinə, mədəniyyətinə, daxili və xarici siyasətinə dair kitablar, dərsliklər və s. ədəbiyyat yerləşdirilib.
Bakının Binəqədi və Yasamal rayon, Gəncə və Sumqayıt şəhər, Astara, Ağdaş və s. rayon Mərkəzləşdirilmiş Kitabxana Sistemləri bu kitabxananın zənginləşdirilməsinə dair işlər görür. C.Cabbarlı adına Respublika Gənclər Kitabxanasında treninqlər də təşkil olunur. DAVAM.AZ Geri dön |