davam.az - BÜTÖV AZƏRBAYCAN ADINA! > Hərb > Müdafiə Nazirliyində yeni vəzifələrə təyin olunan iki general şəxsi heyətə təqdim edilib
Müdafiə Nazirliyində yeni vəzifələrə təyin olunan iki general şəxsi heyətə təqdim edilib |
|
Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin sərəncamları ilə general-mayor Namiq Poladov və general-mayor Mübariz Rzayev müvafiq olaraq, Müdafiə Nazirliyinin Müdafiə Sənayesi İdarəsinin və Silahlı Qüvvələrin Təlim və Tədris Mərkəzinin rəisləri vəzifələrinə təyin olunublar. Müdafiə Nazirliyinin mətbuat xidmətindən bildiriblər ki, Müdafiə nazirinin birinci müavini - Silahlı Qüvvələrin Baş Qərargah rəisi general-polkovnik Nəcməddin Sadıkov vəzifələrə təyin olunan hərbi qulluqçuları şəxsi heyətə təqdim edib. Ali Baş Komandanın Ordumuz qarşısında qoyduğu tapşırıqları bir daha şəxsi heyətə çatdıran Silahlı Qüvvələrin Baş Qərargah rəisi xidməti fəaliyyətin daha səmərəli təşkili ilə bağlı tövsiyələrini verib.
DAVAM.AZ Geri dön |