davam.az - BÜTÖV AZƏRBAYCAN ADINA! > Hadisə > Binəqədidə evin talan edilməsindən sonra yandırılması ilə bağlı cinayət işi başlanıb
Binəqədidə evin talan edilməsindən sonra yandırılması ilə bağlı cinayət işi başlanıb |
|
Binəqədi rayonunun Əliheydər Qarayev küçəsində evin talandıqdan sonra yandırılması ilə bağlı iddialar araşdırılır. Bakı Şəhər Baş Polis İdarəsinin (BŞBPİ) mətbuat xidmətinin rəisi, polis mayoru Elşad Hacıyev bildirib ki, faktla bağlı Binəqədi Rayon Polis İdarəsinin istintaq şöbəsində Cinayət Məcəlləsinin 186.2.2-ci (əmlakı qəsdən məhvetmə və ya zədələmə - yandırmaqla, partlatmaqla və ya başqa ümumi təhlükəli üsulla törədildikdə və ya ağır nəticələrə səbəb olduqda) maddəsi ilə cinayət işi başlanıb. Cinayət işi üzrə bütün halların tam, hərtərəfli və obyektiv araşdırılmasını təmin etmək məqsədilə iş Bakı Şəhər Baş Polis İdarəsinin İstintaq və Təhqiqat İdarəsinin nəzarətindədir. Cinayət-prosessual qanunvericiliyin tələblərinə müvafiq olaraq hadisə yerinə baxış keçirilib, müvafiq ekspertizalar təyin edilib. Hazırda digər zəruri istintaq-əməliyyat tədbirləri davam etdirilir.
DAVAM.AZ Geri dön |