Deprecated: preg_replace(): The /e modifier is deprecated, use preg_replace_callback instead in /home/davam/public_html/engine/modules/show.full.php on line 292 davam.az - BÜTÖV AZƏRBAYCAN ADINA! > Çap səhifəsi > Zəlimxan Yaqubun 70 illiyi doğulduğu evdə qeyd olunub
davam.az - BÜTÖV AZƏRBAYCAN ADINA! > Borçalı > Zəlimxan Yaqubun 70 illiyi doğulduğu evdə qeyd olunub

Zəlimxan Yaqubun 70 illiyi doğulduğu evdə qeyd olunub


Xalq şairi, ictimai xadim Zəlimxan Yaqubun anadan olmasının 70-ci ildönümünə həsr olunan tədbir keçirilib. Mərasim şairin doğulduğu Bolnisi rayonunun Kəpənəkçi kəndindəki evində təşkil olunub. Tədbirdə Azərbaycanın Gürcüstandakı səfiri Dursun Həsənov, Bolnisi rayonunun rəhbəri David Şerazadaşvili, Marneulinin icra başçısı Zaur Darğallı, digər rəsmi şəxslər, şairin yaxınları və ziyalılar iştirak ediblər.
D.Həsənov çıxışında Z.Yaqubun Azərbaycan və gürcü xalqları arasında dostluq əlaqələrinin möhkəmləndirilməsi və inkişaf etdirilməsindəki xidmətlərindən danışıb. Səfir şairin əsərlərinin Azərbaycan xalqının yaddaşında yaşadığını bildirib. Diplomat Z.Yaqubun xatirəsinin Gürcüstanda hər zaman anıldığını qeyd edərək onun əsərlərinin bu ölkədə də sevildiyini deyib.
Digər natiqlər də Z.Yaqubun həyat və fəaliyyətindən, yaradıcılığında Azərbaycan və Gürcüstan xalqları arasında dostluq və qardaşlığın tərənnüm edilməsindən söz açıblar. Tədbirdə şairin doğulduğu kənddə onun xatirəsinin əbədiləşdirilməsinin əhəmiyyəti qeyd olunub, Z.Yaqub adına poeziya evinin tikintisi üçün torpaq sahəsinin ayrılması ilə bağlı aidiyyəti qurumlara müraciətin ünvanlandığı diqqətə çatdırılıb.
Mərasimdə xalq şairinin əsərlərindən parçalar səsləndirilib, şeirlərinə bəstələnmiş mahnılar ifa olunub.

DAVAM.AZ
“Tiflis Bürosu” (Gürcüstan)

Geri dön