davam.az - BÜTÖV AZƏRBAYCAN ADINA! > Güney Azərbaycan xəbərləri > Təbrizdə təhsil ocaqlarının açılış günü ilə bağlı Bildirilər yayılıb
Təbrizdə təhsil ocaqlarının açılış günü ilə bağlı Bildirilər yayılıb |
|
İran və Güney Azərbaycanda məktəb və bütün təhsil ocaqları açılmaq üzrədir.Hər il olduğu kimi bu ildə ana dilinin qadağan edildiyi Güney Azərbaycanda əhali öz etirazını müxtəlif formalarda çatdırmaqdadır. Sentyabrın 22-i (mehrin 1-i) İranda məktəblərin açılış günüdür. Artıq bununla əlaqədar Təbrizdə çoxsaylı Bildirilər yayılıb.Təbrizin Abbasi, Rüşdiyyə, Bağmeşə, Zəfəraniyy, erəm və digər məntəqələrində 5000-dən çox Bildiri yayılıb. Bu barədə “Azoh” saytı məlumat yayıb.
Azərbaycanlı fəallar tərəfindən yayılan Bildirilərdə soydaşlarımızdan istənilib ki, “6-cı gün (şənbə günü) sentyabrın 22-də (mehrin 1-də) Ana Dilində təhsilin qadağan edilməsi və İran rejiminin digər ayri-seçkilik siyasətlərinə qarşı etiraz etsinlər”. Bildirilərdə vurğulanıb ki, “birinci gün (şənbə günü) təhsil ocaqlarına gedilməməli, evlərdən çölə çıxılmalı və fars dilində danışmaqdan imtina edərək etirazlara dəstək verilsin”. Məlumata görə, Bildirilər Azərbaycanın digər böyük şəhərləri o cümlədən Urmu, Həmədan, Ərdəbil, Sulduz və s. Şəhərlərində də yayılıb. Geri dön |