davam.az - BÜTÖV AZƏRBAYCAN ADINA! > Mədəniyyət > Məktəblilər Respublika Uşaq Kitabxanasına ekskursiya ediblər
Məktəblilər Respublika Uşaq Kitabxanasına ekskursiya ediblər |
|
Binəqədi rayon 83 nömrəli məktəbin şagirdləri Firudin Bəy Köçərli adına Respublika Uşaq Kitabxanasına ekskursiya ediblər. Əvvəlcə kitabxananın məsul əməkdaşı uşaqları kitabxana ilə tanış edib, burada təşkil olunmuş kitab sərgiləri, elektron kitabxana ilə bağlı ətraflı məlumat verib. Uşaqlar kitabların kitabxana qaydası ilə işlənməsi, oxuculara verilməsi işi ilə bağlı informasiya əldə ediblər. Məktəblilərə nağıl otağında nağıl saatı keçirilib. Uşaqlar Azərbaycan nağıllarını dinləyib, müasir nağıllarımızı müzakirə ediblər. Kiçik oxu zalında danışan, səsli, gözdən əlillər üçün çap olunmuş brayl şriftli kitablarla, disklər, pazllarla tanış olublar. Əməkdaşlar kitabxana ilə bağlı uşaqları maraqlandıran bütün sualları cavablandırıblar. Sonda uşaqlara kitabxana tərəfindən təsis edilən “Göy qurşağı” uşaq jurnalı hədiyyə edilib.
DAVAM.AZ Geri dön |