davam.az - BÜTÖV AZƏRBAYCAN ADINA! > Borçalı > Marneulidə gənclər meriya qarşısında simvolik aksiya keçiriblər
Marneulidə gənclər meriya qarşısında simvolik aksiya keçiriblər |
|
Aksiya iştirakçıları Marneulinin 2020-ci il büdcəsinin qeyri-şəffaf və əhali ilə müzakirə olunmadan qəbul edilməsinə etirazlarını bildiriblər. Aksiya keçirən gənclər ötən ilin dekabrın 26-da qəbul edilən büdcə “ölüb” və bu gün əsas maliyyə sənədinin “qırxı”dır deyə bildiriblər. Etirazçılar iddia edirlər ki, büdcədə yerli əhalinin problemləri, ehtiyacları nəzərə alınmayıb və sənədin ictimai müzakirələri yalnız formal xarakter daşıyıb. Etirazçılar aksiya çərçivəsində sakinlərə halva və yuxa paylayıblar. Sözü gedən aksiya ilə bağlı xəbər portalımıza müsahibə verən Marneuli meri Zaur Darğallı bilidirb ki, Marneuli meriyası büdcənin təsdiqlənməsi ilə bağlı bütün qərarları xalqı dinləyərək qəbul edib: "Biz 2020-ci ilin büdcəsini bütün kəntləri gəzərək vətəndaşlarla görüşlər keçirib əsas problemlərin prioritetlərini qeyd etmişik və bununla yanaşı 150 nəfər könüllü gənclərin iştirakı ilə kəntlərdə araşdırmalar aparıb əsas problemləri müəyyən edib büdcəni təsdiq etmişik," - deyə Z. Darğallı bildirib. Qeyd edək ki, aksiya barəsində və merin daha geniş müsahibəsini axşam saat 21:00-da Xəbər Vaxtı İnformasia buraxılışında sizə təqdim edəcik.
DAVAM.AZ “Tiflis Bürosu” (Gürcüstan) Geri dön |