davam.az - BÜTÖV AZƏRBAYCAN ADINA! > Türk dünyası-Turan > Gagauz Milli Teatrusu teatrunun geleceeni düşüner
Gagauz Milli Teatrusu teatrunun geleceeni düşüner |
|
Gagauz Milli Teatrusunun direktoru Mihail Konstantinovun zaamettinnän, bu yıl Gagauziyadan 3 kişniin kolayı var girmää Moldova Muzıka, Teatru hem Resimcilik incääzanaatı Akademiyasına “teatru rejisöru” zanaatını üürenmää. Gagauz Milli Teatrusunun direktoru Mihail Konstantinov bildirdi, ani kendisinin söz annaşması var Moldova Muzıka, Teatru hem Resimcilik incääzanaatı Akademiyasının anılmış pedagogunnan, Valeriy Țapişlän, ani bu yıl Gagauziyadan 3 kişiyi Canabisi alsın kendi kursuna, angısını o bu yıl toplêêr. Valeriy Țapiş bildirmiş, ani bu kişilär bücettän paraya görä üüreneceklär.
Bundan kaarä Mihail Konstantinov açıkladı, ani Teatru savaşacek toplamaa 15 genç kişiyi, angılarını aktörluk fakultetına üürenmää yollayeceklar. Canabisi bildirdi, ani bu uurda ön annaşma var Azerbaycannan. İkinci yol da – bu grupayı Komrat Devlet Universitetında üüretmää. Mihail Konstantinov urguladı, ani bücetä üürenmeyä girmäk isteyän abiturientlar, lääzım olacek Kontrakt yapsınnar Gagauz Milli Teatrusunnan, ani üürenmäk bittiynän, onnar döneceklär burayı işlemää. DAVAM.AZ “Komrat Bürosu” (Qaqouz Yeri) Geri dön |