davam.az - BÜTÖV AZƏRBAYCAN ADINA! > Türk dünyası-Turan > Túrkistanda «Araı» baıqaýynyń jeńimpazdary anyqtaldy
Túrkistanda «Araı» baıqaýynyń jeńimpazdary anyqtaldy |
|
Túrkistan qalasyndaǵy Raıymbek Seıtmetov atyndaǵy sazdy-drama teatrynda «Araı-2020» jas estrada ánshileri men mádenı is-shara júrgizýshileriniń baıqaýy ótti, dep habarlaıdy QazAqparat óńirlik kommýnıkatsııalar qyzmetine silteme jasap. 25 jyldan beri dástúrli túrde ótkizilip kele jatqan baıqaý uly oıshyl Abaıdyń 175 jyldyq mereıtoıyna arnaldy. Ondaǵy maqsat – aqyn shyǵarmalaryn jastar arasynda keńinen nasıhattap, jas talant ıeleriniń ónerine qoldaý bildirý. Baıqaýdyń deńgeıin kóterip, ádil ótýin qamtamasyz etý maqsatynda halyqaralyq jáne respýblıkalyq teatr festıvalderiniń júldegeri, «Daryn» memlekettik syılyǵynyń ıegeri, Astana jastar teatrynyń akteri Ádil Ahmetov jáne oblystyq «Araı» oryndaýshylar baıqaýynyń 1996 jylǵy gran-prı ıegeri, halyqaralyq «Azııa daýysy» festıvaliniń jeńimpazy, ánshi Baýyrjan Isaev arnaıy shaqyrylǵan. Baıqaý qaǵıdalaryna sáıkes 3-5 aqpan aralyǵynda oblys aýmaǵyndaǵy aýdan, qalalarda ótkizilgen irikteý kezeńine 294 adam qatysyp, 38 úmitker aqtyq synǵa joldama alǵan. Saıystyń nátıjesi boıynsha ádil qazy alqasynyń sheshimimen án baıqaýynyń bas júldesine Aplaton Raqymjan laıyq dep tanylsa, «Altyn juldyz» dýeti júldeli birinshi oryndy ıelendi. Al, Jaına Ápsattar ekinshi orynnan kórinse, Ardaq Ysqaqova men Sátdáýlet Súleımenov úshinshi oryn ıegeri atandy. Al, mádenı is-shara júrgizýshileriniń saıysynda bas júlde Inabat Abythanqyzyna buıyrsa, Nuraıym Tólebek júldeli birinshi oryndy qanjyǵasyna baılady. Jasmına Anarbek ekinshi, Dastan Áljanov pen Núrken Abrahman úshinshi oryndy qanaǵat tutty. Budan bólek, oblystyq mádenıet basqarmasynyń arnaıy júldesi» - Mamyrhan Jubatovqa, «Kózimniń qarasy» nomınatsııasy - Ernur Álibekke, «Kórermen kózaıymy» nomınatsııasy – «Ugai» tobyna, «Qazylar alqasynyń arnaıy júldesi» - Aıjan Pirimjarǵa tabys etildi. Sondaı-aq, is-shara júrgizýshileri arasynan oblystyq mádenıet basqarmasynyń arnaıy júldesi» - Abzal Quralbaevqa, «Óleń sózdiń patshasy» nomınatsııasy - Altynaı Shyrynhanǵa, «Kórermen kózaıymy» nomınatsııasy - Nursultan Otarǵa tabystaldy. Óner dodasynyń sońy gala-kontsertke ulasty.
DAVAM.AZ “Nur-Sultan Bürosu” (Qazaxstan) Geri dön |