davam.az - BÜTÖV AZƏRBAYCAN ADINA! > Güney Azərbaycan xəbərləri > İran prezidentinin müşaviri, İRNA-nın icraçı direktoru Əli Əkbər Cavanfikir həbs olunub
İran prezidentinin müşaviri, İRNA-nın icraçı direktoru Əli Əkbər Cavanfikir həbs olunub |
|
Hazırda ABŞ-da səfərdə olan İran prezidenti Mahmud Əhmədinejadın mətbuat məsələləri üzrə müşaviri, İRNA dövlət xəbər agentliyinin icraçı direktoru, “İran” qəzetinin baş redaktoru Əli Əkbər Cavanfikir həbs olunub.İRNA- xəbər mərkəzinin yaydığı məlumatına görə, Ə. Cavanfikir Tehran Məhkəməsinin barəsində çıxardığı 6 aylıq həbs cəzasını çəkmək üçün həbsxanaya salınıb. “Xatun” dərgisində İranın şəriət qaydalarına zidd materiallar dərc etməkdə ittiham olunan prezident müşavirinin jurnalist fəaliyyətinə də üç il qadağa qoyulub.
Qeyd edək ki, bu günlərdə İran Məsləhət Şurasının sədri, eks-prezident, ayətullah Əli Əkbər Haşimi Rəfsəncaninin oğlu və qızı da həbs olunub. Geri dön |