davam.az - BÜTÖV AZƏRBAYCAN ADINA! > Hadisə > İrandan Azərbaycana döyüş sursatı ilə gələn qonaq...
İrandan Azərbaycana döyüş sursatı ilə gələn qonaq... |
|
Biləsuvar Gömrük İdarəsinin Qoşatəpə gömrük postunda İran İslam Respublikasından Azərbaycan Respublikasına gələn İran vətəndaşı Kazemı Mıkaeıl Esrafıl oğlunun çamadanı “Heiman X-Ray” markalı rentgen yük-yoxlama qurğusundan keçirilən zaman monitorda 6 ədəd güllədən ibarət tapança darağına oxşar predmet görünüb.
Dövlət Gömrük Komitəsinin rəsmi saytına istinadən məlumata görə, bundan sonra İran vətəndaşı ilə gömrük bəyannaməsinin bəndlərinə uyğun olaraq şifahi sorğu-sual aparılıb, ona məxsus çamadanda gömrük nəzarətindən gizlədilmiş və ya gömrük nəzarətinə mütləq bəyan olunası hər hansı predmetin, o cümlədən, silah-sursatın olub-olmaması barədə sual verilib. O da öz növbəsində, gömrük nəzarətindən gizlədilmiş və ya mütləq bəyan ediləsi heç bir predmetin olmadığını və çamadanında şəxsi geyim əşyalarının olduğunu söyləyib. Beləliklə, Kazemı Mıkaeıl Esrafıl oğluna məxsus çamadana baxış zamanı onun içərisindəki karton üzlüklə çamadanın üst qapağının arasında olan boşluqdan, 1 ədəd 9 mm kalibrli 8 patron tutumlu tapança kompleks hissəsi kimi istifadə edilən sandıqça (daraq) və həmin daraqda olan, döyüş sursatı hesab edilən və atəşə yararlı 6 ədəd 9 mm kalibrli patron aşkar edilərək götürülüb. Geri dön |