davam.az - BÜTÖV AZƏRBAYCAN ADINA! > Güney Azərbaycan xəbərləri > Güneyli milli fəal Əli Hüseynnejad (Savalan) 24 ay həbsdən sonra azadlığa buraxılıb
Güneyli milli fəal Əli Hüseynnejad (Savalan) 24 ay həbsdən sonra azadlığa buraxılıb |
|
Azərbaycanlı fəal Əli Hüseynnejad (Savalan) 24 ay həbs və cərimə ödədikdən sonra azadlığa buraxılıb.
Hüseynnejad 2011-ci il fevralın 3-ü yerli vaxtla saat 11-də ETTELAAT (İran Kəşfiyyat Nazirliyi) məmurları tərəfindən öz iş yerində yaxalanıb və Makı zindanına aparılmışdır. Həmçinin 2009-cu il sentyabrın 26-da ETTELAAT məmurları Hüseynnejadın iş yerinə gedib, onu yaxalayıb və Urmunun ETTELAAT idarəsinə intiqal etmişdilər. Azərbaycanlı fəal aylarca Urmu ETTELAATında ruhi və cismi işgəncələr altında saxlanılmışdır. Məmurlar Hüseynnejadı yaxaladıqdan sonra onun evinə müraciət edib və evdə axtarış aparmışdılar. Axtarış nəticəsində azərbaycanlı fəala aid bir çox şəxsi əşya o cümlədən CD-lər və kompüter zəbt olunmuşdur. Xatırladaq ki, adını çəkdiyimiz azərbaycanlı milli-mədəni fəal bundan öncə də milli zəmindəki mədəni fəaliyyətlərinə görə, dəfələrlə təyizlərə məruz qalıb, həbs olunub və cərimə ödəyib. Geri dön |