davam.az - BÜTÖV AZƏRBAYCAN ADINA! > Sosial > "Minsk Qrupunun həmsədrləri yalnız mənasız səfərlər etməklə məşğuldurlar"
"Minsk Qrupunun həmsədrləri yalnız mənasız səfərlər etməklə məşğuldurlar" |
|
"Minsk Qrupunun yarıtmaz siyasəti Dağlıq Qarabağ münaqişəsinin uzun illərdir ki, uzanmasına səbəb olub".
Bu fikirləri Azərbaycan-Belçika Dostluq Cəmiyyətinin sədri Ayhan Dəmirçi Minsk Qrupu ilə bağlı fikirlərini şərh edərkən söylədi. "Necə illədir ki, beynəlxalq qurumlar, xüsusilə, Dağlıq Qarabağ münaqişəsinin həlli ilə məşğul olan ATƏT-in Minsk Qrupunun həmsədrləri mənasız və boş səfərlər etməklə məşğuldur. Yalnız hansısa açıqlama və bəyanat verərək ictimaiyyətin başını qatırlar. Bununla hansısa iş gördüklərini düşünürlər. Real və praqmatik işdən heç bir nəticə yoxdur. Hesab edirəm ki, bir müddətdən sonra Minsk Qrupuna heç bir ehtiyac qalmayacaq və lazımsız bir qurum kimi tarixin arxivinə gedəcək. Belə olan halda, məsələnin güc yolu ilə həll olunması variantı gündəmə gələcək və proseslər buna doğru gedir", - deyə Ayhan Dəmirçi qeyd etdi. Elnur Eltürk Geri dön |