davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > İranda nə qədər azərbaycanlı yaşayır: 35, yoxsa 50 milyon
İranda nə qədər azərbaycanlı yaşayır: 35, yoxsa 50 milyon |
|
Bütün dünyaya məlumdur ki, ən çox azərbaycanlı türkü yaşayan ölkə İrandır. Ancaq bir neçə onillikdir ki, burada yaşayan soydaşlarımızın sayı 30 milyon göstərilir, artım dilə gətirilmir. Qeyri-rəsmi rəqəmlərdə bu say 50 milyondan yuxarı qeyd edilir.
Əgər İslam inqilabından sonrakı 40 ildə bu ölkənin əhalisinin sayı 3 dəfə artıbsa, azərbaycanlıların sayı necə dəyişməyə bilər?Rəsmi açıqlamada isə gerçəklik dəfələrlə kiçildilir, guya bu ölkədə 8 milyon azərbaycanlı yaşayır. Azərbaycanın Modern.az saytı məsələ ilə bağlı GünAz TV Bakı studiyasının rəhbəri Araz Obalı ilə müsahibə edib. Obalı açıqlamasında bu günə kimi məsələnin dəqiqləşdirilmədiyini deyir: “Cənubi Azərbaycanda nə qədər azərbaycanlının yaşadığını rəsmi rəqəmlərlə söyləmək çətindir. Çünki İran dövləti də rəsmi statistik rəqəmlər ortaya qoymayıb. Bu da ən böyük problem yaradır. Üstəlik soydaşlarımızın sayı barədə araşdırma da aparılmır”. Araz Obalı İranın sabiq xarici işlər naziri Əliəkbər Salihi məsələyə münasibətini də qeyd edib: “Əslində, bu suala İranın xarici işlər naziri qismən də olsa cavab verib. Belə ki, sabiq nazir Əliəkbər Salihi Türkiyədə qonaq olanda jurnalistlərin sualına belə cavab verib: “İranın 40%-i türk dilində danışır”. Deməli, İran dövlətinin 83 milyon əhalisinin 40%-ni hesablayanda ortaya belə bir rəqəm çıxır: orada 35 milyon azərbaycanlı var”. Cənubda doğulub xarici ölkələrə mühacirət etmiş digər soydaşlarımız isə İranda azərbaycanlıların sayının 50 milyonu ötdüyünü iddia edirlər. Geri dön |