Deprecated: preg_replace(): The /e modifier is deprecated, use preg_replace_callback instead in /home/davam/public_html/engine/modules/show.full.php on line 292 davam.az - BÜTÖV AZƏRBAYCAN ADINA! > Çap səhifəsi > Güney azərbaycanlı milli fəal Cəfər Rüstəmirad həbsxanaya geri qayıdıb
davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > Güney azərbaycanlı milli fəal Cəfər Rüstəmirad həbsxanaya geri qayıdıb

Güney azərbaycanlı milli fəal Cəfər Rüstəmirad həbsxanaya geri qayıdıb


Məzuniyyəti bitən güney azərbaycanlı milli-mədəni fəal Cəfər Rüstəmirad Tehranın Evin həbsxanasına geri qayıdıb.





İran həbsxanalarında yayılan koronavirus təhlükəsinin davam etməsinə baxmayaraq Rüstəmirad mayın 21-də barəsində çıxarılmış həbs cəzasının qalan hissəsini çəkmək üçün təcridxanaya qayıdıb.





O, aprelin 2-i vəsiqə girov qoyaraq müvəqqəti azadlığa buraxılmışdı.





Rüstəmirad ailəsi ilə əlaqə saxlayaraq hazırda Evin həbsxanasının karantin bölümündə olduğunu bildirib. O əlavə edib ki, 15 gün karantində saxlanıldıqdan sonra həbsxananın 8-ci korpusuna köçürüləcək.





Cəfər Rüstəmirad 2018-ci ilin iyul ayında “Babək qalası mərasimində iştirak etməsi ehtimal olunduğu” üçün təhlükəsizlik qüvvələri tərəfindən saxlanmışdır. Tehran İnqilab Məhkəməsinin 26-cı şöbəsində 6 ay həbs cəzasına məhkum edilən fəalın hökmü Tehran Əyaləti Apellyasiya Məhkəməsinin 36-cı şöbəsi tərəfindən olduğu kimi qüvvədə saxlanılıb.





Fəal həbsxanaya müraciət etdikdən sonra bundan əvvəl çıxarılan 7 aylıq həbs qərarı da icraya qoyulub. O 2013-cü ildə Güney Azərbaycanın “Traxtur” və Birləşmiş Ərəb Əmirliklərinin “Əlcəzirə” komandalarının görüşü zamanı stadionda saxlanmışdır. Fəal həmin dosyeyə görə 7 ay azadlıqdan məhrum edilib.
Geri dön