davam.az - BÜTÖV AZƏRBAYCAN ADINA! > Güney Azərbaycan xəbərləri > Bəhreynin aviasiya şirkəti İrana uçuşları yenidən təxirə salıb
Bəhreynin aviasiya şirkəti İrana uçuşları yenidən təxirə salıb |
|
Bəhreynin “Gulf Air” aviasiya şirkəti oktyabrın 16-da bəyanat yayaraq İrana uçuşları yenidən təxirə saldığını açıqlayıb.
Bəyanatda bildirilir ki, İran Aviasiya Təşkilatının yaratdığı bir sıra maneələr “Gulf Air”in İrana uçuşları bərpa etməsini hələlik mümkünsüz edir: “İran Aviasiya Təşkilatı iki ölkə arasında uçuş proqramlarının təsdiqini ləngitdiyi üçün “Gulf Air”in İrana uçuşları təxirə salınır. Tehrana uçuşların 2013-cü ilin aprel ayından başlana biləcəyini ümid edirik”. “Gulf Air” İrana uçuşlarını 2010-cu ilin aprel ayında, Bəhreyndə hökumətlə müxaliflər arasında başlanan qarşıdurmalar zamanı dayandırmışdı. Bəhreyn hökuməti bu addımı İranı ölkənin daxili işlərinə qarışmaqda günahlandıraraq atsa da, sonradan həmin uçuşları 2012-ci ilin oktyabr ayında bərpa edəcəyinə söz vermişdi. Geri dön |