Deprecated: preg_replace(): The /e modifier is deprecated, use preg_replace_callback instead in /home/davam/public_html/engine/modules/show.full.php on line 292 davam.az - BÜTÖV AZƏRBAYCAN ADINA! > Çap səhifəsi > Həbsdə olan güney azərbaycanlı fəallar Cəfər Rüstəmirad və Yusif Kari yeni korpuslara köçürülüb
davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > Həbsdə olan güney azərbaycanlı fəallar Cəfər Rüstəmirad və Yusif Kari yeni korpuslara köçürülüb

Həbsdə olan güney azərbaycanlı fəallar Cəfər Rüstəmirad və Yusif Kari yeni korpuslara köçürülüb


İran həbsxanalarında yayılan koronavirus təhlükəsinin davam etməsinə baxmayaraq Rüstəmirad və Kari mayın 21-də barələrində çıxarılmış həbs cəzasının qalan hissəsini çəkmək üçün təcridxanaya qayıdıblar.





Cəfər Rüstəmirad ailəsi ilə əlaqə saxlayaraq Evin həbsxanasının 4-cü korpusundan 8-ci korpusuna köçürüldüyünü bildirib.





Rüstəmirad 2018-ci ilin iyul ayında “Babək qalası mərasimində iştirak etməsi ehtimal olunduğu” üçün təhlükəsizlik qüvvələri tərəfindən saxlanmışdır. Tehran İnqilab Məhkəməsinin 26-cı şöbəsində 6 ay həbs cəzasına məhkum edilən fəalın hökmü Tehran Əyaləti Apellyasiya Məhkəməsinin 36-cı şöbəsi tərəfindən olduğu kimi qüvvədə saxlanılıb.





Fəal həbsxanaya müraciət etdikdən sonra bundan əvvəl çıxarılan 7 aylıq həbs qərarı da icraya qoyulub. O 2013-cü ildə Güney Azərbaycanın “Traxtur” və Birləşmiş Ərəb Əmirliklərinin “Əlcəzirə” komandalarının görüşü zamanı stadionda saxlanmışdır. Fəal həmin dosyeyə görə 7 ay azadlıqdan məhrum edilib.





Digər milli fəal Yusif Kari də ailəsi ilə əlaqə saxlayaraq Ərdəbil mərkəzi həbsxanasının 16-cı korpusundan təhlükəsizlik İdarəsinə məxsus olan 7-ci korpusa köçürüldüyünü bildirib. Tanınmış azərbaycanlı siyasi məhbus Abbas Lisani də hazırda həmin korpusda saxlanılır.

Yusif Kari martın 31-i vəsiqə girov qoyaraq müvəqqəti azadlığa buraxılmışdı.





O, 2019-cu il sentyabrın 3-də mülki geyimli şəxslər tərəfindən saxlanmışdır. Fəal sonralar Ərdəbil İnqilab Məhkəməsinin 1-ci şöbəsində 6 il həbs cəzasına məhkum edilib, lakin həbs qərarı Apellyasiya Məhkəməsi tərəfindən 2 ilə endirilib.





Qeyd edək ki, keçən aylarda koronavirusun İran həbsxanalarında yayılmasının qarşısını almaq məqsədilə məzuniyyətə göndərilən məhbuslar yenidən həbsxanalara qaytarılır.





Koronavirus infeksiyası ilə əlaqədar bir neçə güney azərbaycanlı milli-mədəni fəal məzuniyyətə buraxılsa da beynəlxalq insan hüquqları qurumlarının ardıcıl tələbinə baxmayaraq Lətif Həsəni, Abbas Lisani və Tövhid Əmir Əmini kimi milli-mədəni fəallara hələ də məzuniyyət haqqı verilməyib.
Geri dön