davam.az - BÜTÖV AZƏRBAYCAN ADINA! > Siyasət > Yeni Türkiyə səfirinin Azərbaycan sevgisi
Yeni Türkiyə səfirinin Azərbaycan sevgisi |
|
“Azərbaycan ikinci dəfə müstəqillik əldə edəndən sonra Türkiyə əlindəki bütün imkanlardan istifadə edərək qardaş ölkənin yanında olub”.
Bunu Türkiyənin Azərbaycandakı səfiri İsmayıl Alper Coşqun “Azərbaycanla Türkiyə arasında hərbi əməkdaşlığın hərbi müttəfiqliyə çevrilməsi istiqamətində qərarlar qəbul oluna bilərmi” sualına cavabında deyib. Səfir Türkiyənin bundan sonra da Azərbaycanın yanında olacağını vurğulayıb: “Bununla bağlı lazımi siyasi iradə mövcuddur. Ən əsası xalqların iradəsi var. Bu, tarixi köklərə bağlanan iradədir. Azərbaycanda türk əsgərlərinin şəhidlik məqamına ucalması söylədiklərimin bariz nümunəsidir. Atatürkün söylədiyi kimi, Azərbaycanın kədərində də, xoş günündə də yanında olacağıq. Buna heç kimin şübhəsi olmasın”. Səfir Türkiyə və Azərbaycana yönəlik qondarma soyqırımı iddialarına qarşı xarici ölkələrdə birgə fəaliyyət göstərilməsi barədə suallara cavab olaraq bunları deyib: “Bizim Azərbaycanla əməkdaşlığımızın əhatə dairəsi çox genişdir. Bunun əsasında isə Türkiyə və Azərbaycana yönələn iddiaların əsassız olması haqda dünyanın məlumatlandırılması durur. Bu yöndə işbirliyi davam etdiriləcək. Hər iki ölkənin xaricdəki təmsilçilərinin və ictimai təşkilatların bununla bağlı əməkdaşlığının olması və inkişaf etdirilməsi istiqamətində zəruri işlər aparılacaq”. Geri dön |