davam.az - BÜTÖV AZƏRBAYCAN ADINA! > Çap səhifəsi > Mossad İranın İsrail səfirliklərinə qarşı hazırladığı hücum planlarını neytrallaşdırıb

Bu barədə məlumat yayan İsrailin "Kanal-12" televiziyası bildirib ki, İran həmin hücumlarla İsrailin Avropada və digər bölgələrdə yerləşən diplomatik korpuslarını hədəf almağı planlaşdırırmış.

Xəbərdə Mossadın keçirdiyi qabaqlayıcı əməliyyatların detalları, məlumatın mənbəyi və digər ölkələrlə hansı ölkələrin nəzərdə tutulduğu açıqlanmayıb. Yalnız qeyd edilir ki, həmin digər ölkələr hücum planlarının neytrallaşdırılmasında Mossadla əməkdaşlıq ediblər.

Hələlik rəsmi Tehran yayılan iddialara münasibət bildirməyib.

Qeyd etmək lazımdır ki, İsraillə İran arasında gərginlik son dövrlər daha da pik həddə çatmaqdadır. Ötən gün İsrail İranı daha yaxından və dəqiq izləmək üçün kosmosa hərbi kəşfiyyat peyki göndərdiyini elan edib.