davam.az - BÜTÖV AZƏRBAYCAN ADINA! > Xəbərlər, Siyasət, Özəl xəbər, Fərəc Quliyev > Sərhəd döyüşləri fonunda siyasi partiyaların DAVRANIŞI – Partiya sədrlərindən MÖVQE
Sərhəd döyüşləri fonunda siyasi partiyaların DAVRANIŞI – Partiya sədrlərindən MÖVQE |
|
Fərəc Quliyev: “Azərbaycanda siyasi mühit milli maraqlara əsaslanır və dövlətin yanındadır”.
İyulun 12-dən başlayaraq Ermənistan-Azərbaycan sərhədinin Tovuz istiqamətində işğalçı ölkənin təxribatı nəticəsində baş verən ağır döyüşlər fonunda ölkənin siyasi qüvvələrinin davranışları maraqla izlənilirdi. Xalqın bir araya gələrək, öz daxili həmrəyliyini yüksək səviyyədə nümayiş etdirdiyi bu günlərdə siyasi partiyalar da, əsasən, bu ruha uyğun mövqe tutdular. Bu barədə Yenicag.az-a danışan Milli Dirçəliş Hərəkatı Partiyasının (MDHP) sədri Fərəc Quliyevin fikrincə, yaranmış indiki vəziyyətdə ölkənin siyasi qüvvələri də milli maraqlardan çıxış etməlidirlər: “Əvvəla, şəhidlərimizə Allahdan rəhmət, yaralananlara şəfa diləyirəm. İctimaiyyətə və jurnalistlərə də vətənpərvərlik mövqeyindən çıxış etdikləri üçün təşəkkür edirəm. Çox sevindirici haldır ki, sıravi vətəndaşdan tutmuş məsul vəzifəli şəxslərə qədər yüksək səviyyədə həmrəylik var. Üümumilikdə, bütün siyasi qüvvələr birmənalı şəkildə dövlətinin, ordusunun yanında olduqlarını nümayiş etdirdilər. Əlbəttə, ölkə daxilində “5-ci kolon” deyilən qüvvələr və xarici dövlətlərin maraqlarına xidmət edən çevrələr də var. Dəyərləndirməm belədir ki, Azərbaycanda siyasi mühit milli maraqlara əsaslanır və dövlətin yanındadır. Göründüyü kimi, gücünü xalqından alan milli-demokratik düşərgə beş-on nəfərlik “maşa siyasətçi”lərdən, başqa dövlətlərin oyuncağı olan təşkilatlardan qat-qat güclüdür”. Aqil Bəkir/yenicag.az Geri dön |