davam.az - BÜTÖV AZƏRBAYCAN ADINA! > Güney Azərbaycan xəbərləri > Rəfsəncani ölkədaxili gərginlikdən danışıb
Rəfsəncani ölkədaxili gərginlikdən danışıb |
|
İranın sabiq prezidenti, Sistemin Məsləhətini Müəyyənləşdirən Qurumun rəisi ayətullah Haşimi Rəfsəncani parlamentin bir sıra keçmiş deputatı ilə görüşüb.
Ölkənin böhranlı durumundan danışan Haşimi Rəfsəncani dolayı yolla İran İslam Respublikasının ideyalarının doğrulmadığına eyham vurub: “İndiki böhrandan çıxmaq üçün məntiqli qərarlar qəbul etməliyik. Əvvəldən qərara alınmışdı islam və şiəliyin əxlaqla, inamla bağlı hökmlərini elə həyata keçirək ki, əsarətdə olan digər müsəlman xalqlara nümunə olsun, bu şiə məktəbinə vurulub zülm, istibdad və irtica zəncirini qırıb azadlığa çıxsınlar. Hamı bilir ki, inqilabın qələbəsi geniş xalq kütlələrinin birgə səyi nəticəsində mümkün olub. Lakin təəssüflər olsun ki, bu gün ölkənin idarəçiliyindəki bir sıra səriştəsizliklər ali təhsilli gənc nəsildə hakimiyyətə qarşı şübhələr yaradıb. Biz tam şücaətlə bu həqiqətləri müzakirəyə çıxarmalı, onun həllinə çalışmalıyıq. Hesab edirəm ki, vətəndaşlar hakimiyyətdəkilərdə səmimilik və düzgünlük görsələr, hər hansı bir xarici düşmən qarşısında dayanıb sistemə dayaq olacaqlar”. Geri dön |