davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > Güney azərbaycanlı müəllim Bəhmən Nəsirzadə 3 ay həbs cəzasına məhkum edilib
Güney azərbaycanlı müəllim Bəhmən Nəsirzadə 3 ay həbs cəzasına məhkum edilib |
|
Maku Cəza məhkəməsinin 2-ci şöbəsi Nəsirzadəni ““iftira və yalan yayma” ittihamı ilə 91 gün həbs cəzasına məhkum edib. Cəzanın icrası 3 il müddətinə təxirə salınıb.
Milli fəal daha öncə sözügedən ittihamdan bəraət qazanmışdı. Lakin bəraət hökmü Maku sərhəd alayının komandanı Şirzad Hacızadənin etirazı üzrə ləğv edilib. Qeyd edək ki, azərbaycanlı müəllim daha öncə İranın təhsil nazirinə məktub yazaraq dərs kitablarında anti-türk və anti-Azərbaycan mətləblərin olduğuna etiraz etdiyi üçün 2 il Zəncan yaxınlığında olan Qeydar (Xudabəndə) şəhərinə sürgünə məhkum edilmişdi. Nəsirzadə “Azərbaycanın dilbər guşəsi Daşmakıdan neçə şair”, “Tomirs ana”, “Arazın seçilmiş əsərləri” və “3 dilli Araz lüğəti” kimi əsərlərin müəllifidir. O, Azərbaycan türk millətinin milli-mədəni haqlarının bərpası üçün fəaliyyətlərinə görə dəfələrlə təzyiqlərə məruz qalıb, mühakimə edilərək həbs edilib. Geri dön |