Deprecated: preg_replace(): The /e modifier is deprecated, use preg_replace_callback instead in /home/davam/public_html/engine/modules/show.full.php on line 292 davam.az - BÜTÖV AZƏRBAYCAN ADINA! > Çap səhifəsi > Azərbaycana dəstək aksiyası zamanı saxlanılan daha 3 milli fəal sərbəst buraxılıb
davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > Azərbaycana dəstək aksiyası zamanı saxlanılan daha 3 milli fəal sərbəst buraxılıb

Azərbaycana dəstək aksiyası zamanı saxlanılan daha 3 milli fəal sərbəst buraxılıb


Təbriz şəhərində Azərbaycan Respublikasının Konsulluğu qarşısındakı dəstək aksiyası zamanı həbs edilən Rəhim Sasani, Sədullah Sasani və Yasəmin Zəfəri 2 həftədən sonra iyulun 29-da axşam saatlarında 100 milyon tümənlik zəmanət qarşısında sərbəst buraxılıblar.





Məlumata əsasən, neçə gün əvvəl “Sepah”ın Kəşfiyyat İdarəsinin təcridxanasına aparılan Sədullah və Rəhim Sasani orada işgəncəyə məruz qalıblar. Sədullah Sasani və Rəhim Sasani əmioğludurlar.





Fəallar “milli təhlükəsizliyi pozmaq məqsədi ilə toplaşma və sözləşmə” və “ictimai asayişi pozmaq” ittihamları ilə üzləşiblər.





Qeyd edək ki, Ermənistanın Tovuz rayonunda həyata keçirdiyi son təxribatçı hücumlardan sonra Güney Azərbaycanın milli fəalları müxtəlif şəhərlərdə Azərbaycana dəstək aksiyasının keçirilməsi üçün çağırış etmişdilər.

Dəstək aksiyasından vahiməyə düşən İran təhlükəsizlik qurumları aksiyanın keçirilməsinə mane olmağa çalışaraq aksiyadan öncə və sonra kütləvi həbslər həyata keçiriblər.





Təbriz şəhərində həbs edilən Həkimə Əhmədi və Məqsud Fəzli Çimənzəmin hələ də Təbriz Mərkəzi zindanında saxlanırlar.
Geri dön