davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > Ruhanidən iddia: "Bizim hərbi gücümüz regionun xeyrinədir"
Ruhanidən iddia: "Bizim hərbi gücümüz regionun xeyrinədir" |
|
O, bu gün keçirilən hökumət kabinetinin çıxışında iddia edib ki, İranın hərbi qüdrəti və silah arsenalı regionun bütün ölkələrinin "xeyrinədir".
O, həmçinin həmin ölkələrə xəbərdarlıq edib ki, "Amerikanın onlardan öz məqsədləri üçün istifadə etməsinə imkan verməsinlər", Ruhani sonda bildirib ki, BMT rəsmi Tehrana qarşı qəbul edilmiş silah embarqosunu uzatsa, bu, nüvə razılaşmasının pozulması hesab ediləcək və onun nəticələrinə görə bu istiqamətdə təlaş göstərənlər məsuliyyət daşıyacaq. Xatırladaq ki, Körfəz Əməkdaşlıq Şurasının üzv ölkələri 3 gün əvvəl BMT-nin Təhlükəsizlik Şurasına məktub göndərərək, İrana qarşı qəbul edilmiş silah embarqosunun uzadılmasını istədiklərini bəyan etmişdilər. Digər tərəfdən, Ruhaninin iddialarının əksinə olaraq, təkcə Yəmən husiləri dəfələrlə İranın verdiyi silahlarla Səudiyyə Ərəbistanına qarşı hücumlar həyata keçirib. 2019-cu ilin sentyabr ayında husilərin Səudiyyənin neft təsisatlarına qarşı hücumundan sonra da İranın "dini lider"inin "Keyhan" qəzetindəki nümayəndəsi və qəzetin rəhbəri Hüseyn Şəriətmədari buna təcavüzkar mövqe ilə münasibət bildirmişdi. O, "Twitter"də yazdığı statusda qeyd etmişdi ki, "Ənsərullahın Riyadı raket atəşinə tutmasından sonra növbə Dubayındır". Geri dön |