davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > Qəzvində sayğac zavodunun işçiləri etiraz aksiyası keçirib
Qəzvində sayğac zavodunun işçiləri etiraz aksiyası keçirib |
|
Məlumata əsasən, işçilər avqustun 16-da Qəzvin valiliyinin binası qarşısında toplanaraq neçə aylıq maaşlarının ödənilməməsinə etiraz ediblər.
Aksiyada iştirak edənlər həmçinin iş vəziyyətlərinin naməlum olması və işlərini itirmə təhlükəsi ilə üz-üzə olduqlarını bildiriblər. Koronavirus infeksiyasının yayılmasından sonra zavodun fəaliyyəti dayandırılmışdı. Bundan 5 ay keçməsinə baxmayaraq zavodun yenidən fəaliyyətə başlaması və işçilərin ödənilməmiş əmək haqlarının ödənilməsi ilə bağlı heç bir tədbir görülməyib. İLNA xəbər agentliyinin verdiyi məlumata əsasən, zavodun işçiləri 26 aydır ki maaş almırlar. İşçilərin sığorta haqqının tam ödənilmədiyinə görə, fəhlələrin işsizlik sığortası ilə təmin olunması da mümkün olmayıb. Qəzvin sayğac zavodu fəhlələrinin sözlərinə görə, vaxtı ilə zavodda 350, hətta 400-ə qədər fəhlə çalışıb. Lakin hazırda onların sayı 136-ya düşüb. Bu işçilər məişət problemləri ilə qarşı-qarşıyadırlar. Zavodun işçiləri ötən aylarda da Qəzvin Valiliyinin binası qarşısında etiraz aksiyası keçirmişdir. Onlar aksiyanın zavodda istehsalla bağlı sabitsizlik, işlərini itirmə təhlükəsi və gecikən əmək haqları ilə əlaqədar olduğunu bildirmişdir. Geri dön |