davam.az - BÜTÖV AZƏRBAYCAN ADINA! > Güney Azərbaycan xəbərləri > 8 gün əvvəl tutulan bloqçu Tehranın “Evin” zindanında ölüb
8 gün əvvəl tutulan bloqçu Tehranın “Evin” zindanında ölüb |
|
İranda 8 gün əvvəl tutulan bloqçu, “Facebook” fəalı, 35 yaşlı Səttar Behişti keçinib. O, Tehranın Evin zindanında saxlanırdı.
Səttar Behişti oktyabrın 31-də atasının mənzilində tutulmuşdu. Həmin vaxt evdə yoxlama aparılmış, bloqçunun kompüteri, əlyazmaları və bir sıra digər şəxsi əşyaları götürülmüşdü. Səttar Behiştinin bacısı İrandakı hüquq müdafiəçilərinə açıqlamasında deyib: “Noyabrın 5-də həyat yoldaşımı zindana çağırıb bildirdilər ki, get Səttarın xəstəlikdən öldüyünü anasına xəbər ver, məzar yeri götürün, sabah da gəlib meyiti təhvil alın. Qardaşımı evdə tutub aparanda o, sapsağlam idi. Hamı bilir ki, onun hətta başağrısı da yox idi. Lakin indi deyirlər ki, o, xəstə olduğu üçün ölüb. Ərimə də xəbərdarlıq ediblər ki, heç bir mediaya müsahibə verməyin, yoxsa atanızı yandırarıq. Bizə qardaşımın xəstəlikdən öldüyünü desələr də, Tehranın Evin zindanının 350-ci korpusunda saxlanan məhbuslar qardaşımın işgəncədən əzilmiş qanlı bədənini gördüklərini bildiriblər. Qardaşımı bir gecəliyə həmin məhbusların yanına salıbmışlar”. Geri dön |