davam.az - BÜTÖV AZƏRBAYCAN ADINA! > Güney Azərbaycan xəbərləri, Müsahibə > Məhsa Mehdili: “Mübarizəmdən dönməyəcəm”
Məhsa Mehdili: “Mübarizəmdən dönməyəcəm” |
|
Doğma Urmiyə şəhərinə qayıtdıqdan sonra İranın xüsusi xidmət orqanları tərəfindən həbs olunmuş milli fəal Məhsa Mehdili bu günlərdə Türkiyədə sığınacaq tapıb. “Amerikanın Səsi”nə müsahibədə Məhsa xanım milli dirilik uğrunda mübarizə yolu və üzləşdiyi sınaqları nəql edir.
Urmiyədə ikən siyasi fəaliyyətə başlayan Məhsa xanım tələbəlik illərində Azərbaycan türkcəsinin təşviqatı istiqamətində işlər gördüyünü və Türkiyəyə ali təhsil dalınca getdikdən sonra bu fəaliyyəti genişləndirdiyini bildirib. Məhsa xanım İran Azərbaycanına qayıtdıqdan az sonra yaxın qohumunun evində ETTELAAT (İran Kəşfiyyat Nazirliyi) tərəfindən həbs olunaraq günlərlə məhbəsdə saxlanılıb. Bu müddət ərzində gözübağlı şəkildə uzun-uzadı sorğu-suala tutulduğunu deyən Məhsa xanım Azərbaycan xalqının hüquqları uörunda mübarizəsindən dönməyəcini bildirib. Məhsa xanımın sözlərinə görə bütün İran Azərbaycanı boyunca milli oyanış baş verir və artan sayda Azərbaycan türkləri milli kimliklərini qorumaq uğrunda mübarizəyə qatılırlar. Məhsa Mehdili ilə söhbəti Kanadada qərargahlanan müxbir İnsafəli Hidayət aparıb. AUDİO-nu dinləmək üçün qaynağımız olan aşağıdakı LİNKi tıklaya bilərsiniz: http://www.amerikaninsesi.org/content/article/1541497.html Geri dön |